Një 11-metërsh i humbur i ka kushtuar shtrenjtë Brendix Parras, lojtarit të Indipendientes, i cili është një ekip paraguajan. Pikërisht këta të fundit, luanin për fazën e 1/32-ave të Copa Sudamericana (ekuivalente e Europa League në Amerikën Latine) ndaj La Equidad, një ekipi kolumbian.
Të dy ndeshjet përfunduan pa gola dhe gjithçka iu drejtua 11-metërshave. Ishte pikërisht Parra, i cili tentoi me panenka, por gaboi rëndë dhe në fund ishte ekipi i La Equidad që kaloi më tej. Për penalltinë e humbur, presidenti i Indipendientes, ka marrë vendimin drastik për ta larguar nga ekipi lojtarin.
Bendrix Parra, jugador del Independiente CG fue separado del club por fallar un penalti a lo Panenka en la Copa Sudamericana ??
“Tomamos la decisión de sacarlo por la forma en la que pateó el penal. Se equivocó este muchacho”, dijo el presidente ? pic.twitter.com/LRTyhNUBMv
— SoyReferee (@SoyReferee) April 23, 2019
Sipas presidentit, ishte diçka e pabesueshme mënyra se si e shpërdoroi penalltinë Parra, ndaj edhe ishte marrë ai vendim. Ndërkohë lojtari e pranoi me qetësi vendimin, ku u shpreh: “Mbyllja e kontratës me Indipendienten është një vendim i vështirë. Gjithsesi, jeta vazhdon, futbolli vazhdon dhe më duhet të shoh përpara”.
