Në emisionin “Skaner” që transmetohet në “MCN TV” është folur shumë sa i përket ndeshjes mes Laçit dhe Vllaznisë. Shumë polemika janë hapur për golin e anuluar të shkodranëve, teksa arbitri ka vendosur për një faull duke parë prekje me dorë të Da Silvas. Ndërkohë nga krahu tjetër, te Vllaznia janë të sigurt se lojtari shkodran nuk e ka prekur topin me dorë.
Moviola e Bujar Pregjës shprehet se Da Silva ka ndryshuar tërësisht këndin e topit me dorë duke i dhënë avantazh për të mbërritur te shënimi i golit. Megjithatë Djarmati ka thënë se pamjet nuk janë të qartë dhe në një rast ku nuk ka siguri të madhe, do të ishte e udhës që të lejohej realizimi. /Sport Ekspres/