Një paraqitje spektakolare ka ardhur nga talenti shqiptar Enis Redzepi, i cili ka shkëlqyer në duelin mes Bayern Munich U19 dhe VfB Stuttgart U19. Sulmuesi shqiptar shënoi plot pesë gola, duke udhëhequr Stuttgartin drejt një fitoreje të jashtëzakonshme 6-1 në transfertë.
Redzepi e nisi festivalin e golave në minutën e 19-të, ndërsa vetëm në pjesën e parë realizoi edhe tre herë të tjera, në minutat 28, 35 dhe 42. Pas pushimit, sulmuesi shqiptar kompletoi pesëshen e tij në minutën e 50-të, duke vulosur një nga paraqitjet më mbresëlënëse të karrierës së tij në nivelet e të rinjve. Bayern arriti të shënonte vetëm një gol, ndërsa Stuttgart realizoi edhe një herë tjetër në minutat shtesë për të fiksuar rezultatin përfundimtar 6-1.
Paraqitja e Redzepit është veçanërisht e rëndësishme pasi ai është pjesë e Shqipërisë U-19 dhe po tregon një potencial të madh në futbollin gjerman. Vetë VfB Stuttgart e cilësoi atë si njeriun e ndeshjes, ndërsa trajneri Tobias Rathgeb vlerësoi jo vetëm pesë golat, por edhe punën e tij për ekipin. Me këtë paraqitje, Redzepi dërgon një sinjal të fortë se është një emër që duhet ndjekur me shumë vëmendje në të ardhmen. /Elio Hajdari-Sport Ekspres/
Enis Redzepi vs Bayern Munich U19 ???
5 goals. Five times he found the net. ?
The Albanian striker is coming through FAST — one to watch for the future of world football. ??? pic.twitter.com/3tfe4WXQfK
— ????? ??² . (@Lhmdmd_70) August 19, 2026