Boksieri britanik Tyson Fury është kampioni botës i peshave të rënda për divizionin WBC, ku mposhti amerikanin Deontay Wilder. Të dy luftëtarët kishin deklaruar se do të rindesheshin për herë të tretë, megjithatë duket se Fury ka ndërruar mendje dhe do të përballet me 28-vjeçarin gjerman, Agit Kabayel. Ky i fundit ka një rekord fantastik me 20 fitore, ku 13 prej tyre janë fituar me KO.
Në letër Fury është favorit absolut, megjithatë ai kurrsesi nuk mund t’ia lërë verdiktin fatit, prandaj është duke u stërvitur mjaft rëndë. Në një video të publikuar në “Instagram”, anglezi u ka treguar mbështetësve se çfarë force ka edhe në stërvitje. Pas tre goditjeve bombastike të thesit të boksit, tavani i palestrës prej gipsi ka rënë në tokë./Elio Hajdari-Sport Ekspres/
View this post on Instagram