Bazeli ka marrë një fitore të thellë mbrëmjen e sotme kundër Karabaut. Zviceranët kanë triumfuar me rezultatin 3-0, duke e mbyllur kështu grupin H në vendin e parë. Një pozicion ky që i siguron kalimin në fazën tjetër të Ligës së Konferencës.
Goli i parë erdhi në minutën e 33-të nga Kabral, ndërsa në pjesën e dytë protagonist do të ishte edhe një lojtar shqiptar. Bëhet fjalë për Pajtim Kasamin, i cili shfrytëzon një top në zonë për të tundur rrjetën në minutën e 62-të. Ndërkohë për të fiksuar shifrat në 3-0 mendoi përsëri Kabral në minutën e 74-t./Halit Delibashi-Sport Ekspres/