Në sajë të suksesit të arritur një javë më parë në Izrael, ndaj Hapoel Hiafës, Atalanta nuk e ka vendosur këmbën te gazi në “Mappei Stadium” të Rexho Emilias, pasi është mjaftuar me vetëm dy gola.
Sigurisht, pokeri i ndeshjes së vajtjes shtyu trajnerin Gasperini që të bënte disa ndërrime, edhe pse lajmi i keq është në portë, aty ku edhe në një ndeshje të tillë, pa presion, Golini ka mbrojtur katërkëndorin, teksa Berisha është lënë në stol për të tretën ndeshje radhazi.
https://www.youtube.com/watch?v=YRNIOH3HFWk
Por, në fushë ka qenë shqiptari tjetër, Berat Gjimshiti, që e priste këtë moment prej kohësh, edhe pse me shumë mundësi nesër mund të lëvizë sërish, në ndonjë skuadër tjetër, teksa e ardhmja është futur në sprintin final.
Për bergamaskët kanë shënuar Duvan Zapata, blerja e këtij sezoni, por edhe danezi Kornelius, dy gola të ardhur në pjesën e dytë.
Dhe, si për ironi të fatit, Kornelius pikërisht do të gjejë skuadrën ku është rritur dhe ka luajtur shumë sezone, pra Kopenhagenin. Një transfertë jo e lehtë për bluzinjtë.