Brdariç kishte programuar video-analizën vetëm pak orë përpara ndeshjes me AEL Limasol. Futbollistët e Vllaznisë janë mbledhur në hotel ku kanë ndjekur skemat dhe mënyrën e lojës sesi pritet që të paraqitet rivali dhe mënyra sesi duhet t’i kundërpërgjigjen.
E gjitha kjo ka ndodhur në orën 11:00, ndërsa kështu lojtarët i kanë më të freskëta këshillat e dhëna nga trajneri gjerman se ku duhet të kenë kujdes në mbrëmjen e sotme. Padyshim që kalimi deri në këtë fazë të “Conference League” ishte sukses për shkodranët që përmbysën Siroki Brijeg së bashku me arbitrin, por nga ana tjetër kërkohet që të mos ndalen këtu. /Sport Ekspres/
