Eden Hazard ka lënë pas kalvarin e gjatë të dëmtimeve, të cilat e kanë shoqëruar që nga momenti kur veshi fanellën e Realit të Madridit. Vetëm 16 paraqitje dhe 1 gol në sezonin e shkuar, sulmuesi bel ishte vite dritë larg asaj çfarë “galaktikët” dhe ai vetë kishin imagjinuar. Tifozët nuk mund të qendronin indiferentë, duke e kritikuar pafund, madje edhe për kilet e tepërta me të cilat mbërriti në Madrid.
Por gjërat duket se kanë marrë tjetër rrjedhë. Eden Hazard ka treguar “dhembët“ në fitoren e sotme në shifrat 4-1 kundër Hueskas. Një perlë nga 25 metrat tundi rrjetën e kundërshtarëve, duke i dhënë fund thatësirës së gjatë 1-vjeçare të golit./Halit Delibashi-Sport Ekspres/
Hazard's screamer ?
Benzema's brace ?The highlights from Real Madrid's 4-1 win over Huesca today ?pic.twitter.com/Fqhzy9ArkL
— GOAL (@goal) October 31, 2020