Nga Klaudio Ndreca
Mesfushori i Wisla Krakow, Vullnet Basha, mund të bëjë një kalim të rëndësishëm për karrierën e tij. Panathinaikosi është duke u interesuar për këtë lojtar, ndërsa mediat greke shkruajnë se është në planet e spanjollit Xavi Roca. Arsyeja se përse Vullneti ka rënë në listën e këtij drejtori teknik është për shkakun se e njeh mirë, pasi më herët lojtari shqiptar ka luajtur me Zaragozan, Ponferantinan dhe Murcian.
Gjithashtu edhe vëllai i tij, Migjeni, do t’ia bëjë më të lehtë këtë aventurë me disa këshilla për ambientin në Greqi, teksa ka luajtur edhe vetë me Arisin. Vullnet Basha ka luajtur gjithashtu me Kombëtaren e Shqipërisë, por pa mundur të mbajë vendin dhe të grumbullohet sërish nga kuqezinjtë. /Sport Ekspres/