Luis Van Gal dha dorëheqjen nga të qënurit trajner këtë vit, pas një karriere shumë të suksesshme. Ajaksi po bën mrekullinë këtë sezon në Champions League dhe për këtë gjë, nuk mund të mungonte një intervistë me teknikun holandez.
Van Gal foli për “FIFA.com”, ku u shpreh: “Pjesa e dytë e Ajaksit kundër Juventusit ishte e pabesueshme. Një futboll kreativ, me një balancë të mirë, skuadër që kryen mirë tanzicionin nga mbrojtja në sulm dhe anasjelltas. Ky është sekreti i Ajaksit. Kanë shumë lojtarë kreativë dhe të shpejtë.
E kam thënë dhe pas ndeshjes me Bajernin që në fazën e grupeve, se Ajaksi i ka të gjitha shanset që t’i shkojë deri në fund Champions League. Ka ende shumë skuadra të mira në këtë kompeticion, por Ajaksi është një rival për t’u mundur”, përfundoi ish-tekniku holandez.