“Unë flas konkretisht, do e zbuloj një emër”! Andi Lila tregon ofertën e klubit që kërkon Gentian Selmanin

0

Gentian Selmani është një prej prodhimeve kualitative të Superiores që bëri hapin për t’u larguar nga Shqipëriz, për të mbërritur te Menemespori në Turqi. Nga paraqitjet e zhvilluara me këtë skuadër portieri shqiptar ka fituar interesimin e shumë klubeve të tjera.

Gjithmonë është përfolur për Serinë A, por një ofertë konkrete i ka ardhur nga Karabaku në Azerbajxhan. Këtë e ka konfirmuar edhe Andi Lila në emisionin e Enkeleida Zekos në “Fair Play”, atje ku e ka vlerësuar Selmanin për paraqitjet e bëra.

“Unë flas konkretisht gjithmonë dhe do e zbuloj një emër. Selmanin e kërkon dhe ka pasur ofertë nga Karabaku, atje ku ka luajtur edhe Agolli. Është një ekip që shkon në grupet e “Champions League” dhe është gjë shumë e mirë. Seria A pastaj është një ëndërr për çdo lojtar, që unë e kam prekur, por ia uroj edhe Selmanit. Po paraqitet në mënyrë fantasike te Menemespori, ata shumë pikë i kanë nga Gentiani që është gjithmonë lojtari më i mirë”, ka thënë Lila. /Sport Ekspres/

You might also like

Leave A Reply

Your email address will not be published.