“Unë dhe Migueli mblodhëm djemtë e rinj“, kapiteni i Izraelit tregon çelësin e suksesit: Sa u argëtuam në hotel, gjithë javën folëm…

0

Izraeli arriti një sukses historik mbrëmjen e djeshme. Fitora 2-1 ndaj Shqipërisë i dërgon në Ligën A të Ligës së Kombëve dhe njëkohësisht në vazon e dytë për shortin e kualifikueseve për në Euro 2024. Kapiteni i izraelitëve ka dhënë përshtypjet e tij pas ndeshjes, ku ka treguar se ka mbledhur lojtarët e rinj për t’i ndihmuar me eksperiencën e tij. Dasa rrëfen se gjatë gjithë javës kanë diskutuar për të gëzuar popullin e tyre në prag të festës që shteti i Izraelit kremton këtë fund muaji.

“Një lojë e shkëlqyer, ne kontrolluam pjesën më të madhe të saj. Ne dinim të ktheheshim nga barazimi i tyre. Në ndeshjet e fundit e bëmë disa herë. Nuk e di nëse kjo është ndeshja ime më e mirë në ekip. Ishte e rëndësishme për mua që të sillja gjithçka dhe të kontribuoja nga përvoja, sepse ne ishim në ekip relativisht të rinj. Migueli dhe unë mblodhëm djemtë e rinj. Kishte pikëpyetje për aftësinë time, por e mbaj veten në nivelin më të lartë të mundshëm, edhe kur isha pa një skuadër. Gjithçka për të cilën folëm këtë javë ishte kjo çështje e festës, për të bërë të lumtur një vend të tërë. Sa argëtim ishte në hotel, sa shumë mbështetje morëm… donim t’i bënim të gjithë të lumtur”, ka thënë Eli Dasa./Halit Delibashi-Sport Ekspres/

You might also like
Leave A Reply

Your email address will not be published.