Me kalimin e viteve teknologjia po zë një peshë të madhe në futboll. FIFA dhe UEFA po vënë në zbatim teknologji nga më të ndryshmet për të ofruar sa më shumë drejtësi gjatë ndeshjeve. Qeveria e futbollit europian ka vendosur të sjellë risi në Euro 2024.
“Times Sport” bën me dije se në kampionatin e ardhshëm europian që do të luhet në Gjermani, topat do të jenë të pajisur me çip. E gjitha kjo bëhet për të sinjalizuar prekjet e topit me dorë. Mikroçipi do të funksionojë së bashku me teknologjinë për gjurmimin e gjymtyrëve çka mundëson krijimin në kohë reale të pamjeve vizuale në 3D të lojtarëve. Në këtë mënyrë do të jepet mundësia e shfaqjes së një imazhi që tregon se në cilën zonë të trupit ka prekur topi./Halit Delibashi-Sport Ekspres/