U zgjodh futbollisti i ndeshjes, por ai qëndron me këmbë në tokë. Kevin de Brujne, autori i golit të dytë që vleu edhe kualifikimin e Belgjikës, pas ndeshjes, për FIFA-n, u shpreh:
“Taktikisht ishim perfektë në pjesën e parë, ndërsa në të dytën vuajtëm, por e dinim që Brazili do të na vinte në vështirësi me lojtarët që ka në organikë. Ishte karakteri ai që bëri diferencën në 15 minutat e fundit.
“Tani kemi përballë Francën, një super ndeshje siç edhe i takon gjysmëfinales së Botërorit. E dimë se kë kemi përballë dhe nuk kemi aspak frikë, por respekt. Jemi njësoj, për këtë jam i bindur. Do të bëjmë maksimumin që të fitojmë edhe këtë ndeshje”.