Kilian Mbape ka folur në “Prime video sport” në lidhje me raportin e tij me Mesin. Megjithëse gjatë kohës kur të dy ishin pjesë e PSG-së mediat shkruanin për një marrëdhënie jo fort miqësore mes tyre, sulmuesi francez tregon të kundërtën me fjalët e tij. Mbapeja ka thënë se i mungon Mesi në fushë, pasi argjentinasi ishte i veçantë.
“Gjithmonë më mungon të luaj me Mesin. Dhe për një sulmues si unë që dashuron të shfrytëzojë hapësirat, me të mund të shkosh me besim të plotë se do ta marrësh topin. Është një luks që pothuajse vetëm ai mund të ta japë. Të luaja me Mesin ishte e veçantë”, ka thënë Kilian Mbapeja./Halit Delibashi-Sport Ekspres/