A do të vazhdojë trajneri Brdariç në krye të Vllaznisë? Pas sezonit fantastik që zhvilloi në kampionat dhe që kulmoi me fitimin e Kupës së Shqipërisë, për teknikun gjerman ka pasur shumë interesime.
Ndërkohë menaxheri i tij, Uliks Kotrri, ka zbuluar arsyen se përse Brdariç nuk po zyrtarizohet ende te Vllaznia. Fillimisht gjermani ka për të marrë dy paga dhe shpërblimin e Kupës, por më kryesorja është fakti se kërkohet rritja e rrogës për vazhdimësinë. Në këtë pikë duhet të bisedohet me stafin drejtues të shkodranëve.
Por si do të vijojë e ardhmja e këtij trajneri? Ndihmësi i tij, Plori, ka postuar një fotografi në rrjetet sociale që shpreh më shumë se fjalët. Duke qenë i bashkuar me Brdariç dhe krahë për krahë, Plori kërkon të dërgojë mesazhin se nuk do të kemi ndarje në merkaton e verës. /Sport Ekspres/