Lojtarët e Fushë-Kosovës mund të përballen me një dënim nga ana e FFK-së. Skuadra në fjalë mposhti Ulpianën në kampionat dhe fitoren vendosën ta festonin në lokal. Deri këtu gjithçka duket në rregull. Por problemi qendron në faktin se lojtarët kanë konsumuar shisha, të cilat nuk janë të këshillueshme për futbollistët profesionistë, si dhe në tryezë shihen kanaçe birre dhe coca-cola.
Ka qenë vetë një anëtar i kryesisë së klubit që e ka shpërndarë fotografinë në rrjetin social “Facebook“. Mbetet për t’u parë se cili do të jetë vendimi i marrë nga Federata e Futbollit të Kosovës./Halit Delibashi-Sport Ekspres/