Vllaznia ka marrë një humbje ndaj Tiranës në ditën e djeshme duke ngjallur jo pak reagime. Tifozët shkodran janë shumë të apasionuar pas futbollit dhe sigurisht që humbje të tilla do të ngjallin shumë kundërshti mes sportdashësve që duan më të mirën për ekipin e tyre. Ndërkohë figura e njohur për futbollin shqiptar, Roland Luçi, kërkon që Brdariç të ndalojë me parashikimin e rezultateve të ndeshjeve në konferencë.
“Që klubi të prezantohet si serioz duhet të sanksionohet një pikë në rregullore, ku sidomos trajnerit t’i ndalohen kategorikisht parashikimet e rezultateve të ndeshjeve në intervistat e famshme para ndeshjeve. Shpeshherë dalin blof dhe transmetojnë një figurë qesharake që më shumë ngjason me fallxorët sesa profesionalizmin”, shkruan Luçi. /Sport Ekspres/