Trajneri i Mladës, Dushsj Uhrin Jr., ishte dukshëm i zhgënjyer pas eliminimit nga Skënderbeu në Europa League.
Pa sulmuesin Hramosta, Uhrin la në stol edhe sulmuesin tjetër Golgol, por kualifikimi ishte në dorë në pushim.
“Ndeshje e pafat, por nuk është thjesht fati që na eliminoi. Nuk është kjo arsyeja e humbjes, sepse kishim shanse për ta fituar, dy raste dhe shtyllë. Ekipi i kishte shanset për të kaluar më tej. E nisëm mirë ndeshjen, por gabuam me penalltinë në të dytën. Skënderbeu ishte më mirë, por ne patëm rastet tona. Ndeshje e mirë për te dyja ekipet. Ata shënuan dy gola, por gabuam shumë individualisht”.