Milani arriti të marrë kryesimin ditën e dielë, duke përfituar nga barazimi mes Napolit dhe Interit. Goli i vetëm ndaj Sampdorias u shënua nga Leao, i cili mori një super asist nga portieri Maignan, të cilin e realizoi me mjaft mjeshtëri. Trajneri i Milanit, Pioli thuri elozhe për sulmuesin portugez, duke e krahasuar atë me Thierry Henry.
“Leao është fantastik. Ai më kujton legjendën Thierry Henry, ka cilësitë e tij por duhet të jetë gjithmonë vetvetja në fushën e lojës. Leao ka dëshirë të fitojë, ka mentalitet prej kampioni.”- u shpreh Stefano Pioli. /Elio Hajdari-Sport Ekspres/