Kukësi dhe Torpedo përballen të enjten në “Elbasan Arena”, ndërkohë që gjeorgjianët kanë fluturuar drejt Shqipërisë, në mënyrë që të kenë mundësinë të jenë në maksimum ditën e ndeshjes.
“Torpedo ka fluturuar për në Tiranë, kryeqytetin e Shqipërisë, dhe do të qëndrojë në hotelin “Mac Albania”. Ekipi do vazhdojë përgatitjet për ndeshjen e kthimit kundër Kukësit në Shqipëri”, njoftojnë gjeorgjianët përmes faqes së tyre në “Facebook”.
Gjatë këtyre ditëve ata do të stërviten në kryeqytet dhe “Sport Ekspres” mëson se Torpedo do të përgatitet në stadiumin “Selman Stërmasi”. Ndeshja e parë mes Kukësit dhe Torpedos ka përfunduar me rezultatin 5-2 në favor të gjeorgjianëve.