Mungon dhe një muaj deri në shpalljen e fituesit të “Topit të Artë”, çmimit individual më prestigjioz. Siç citon “The Sun”, gazetari francez i “RFI”, Erik Mamruth, ka nxjerrë në rrjetet sociale një informacion mbi rezultatet, me gjysmën e votave të shqyrtuara tashmë.
Rezultatet janë deri diku befasuese: Kristiano Ronaldo dhe Leo Mesi nuk janë pjesë e tre më të votuarve. Diçka e veçantë, pasi kjo dyshe ka ndarë mes tyre dhjetë “Topat e Artë” të fundit. Ata kanë akoma votat dhe “besnikët” e tyre, por kësaj herë nuk do të jenë pjesë e podit fitues.
Treshja e parë përbëhet nga dy francezë dhe një kroat, të cilët luajtën në finalen e Kupës së Botës. Konkretisht: Luka Modriç, Rafael Varan dhe Kilian Mbape, të renditur sipas radhës. Surprizat nuk përjashtohen, ndërsa bie në sy mungesa e Antuan Grizman.
Luka Modriç, kapiteni i Kroacisë dhe mesfushori i Real Madrid, mbetet kandidati kryesor, ndërsa Varan mund të thyejë tabunë, duke rikthyer “Topin e Artë” te një mbrojtës, pas 12 viteve (Kanavaro e fitoi në vitin 2006). Me pak fjalë, as CR7, as Mesi dhe as Grizman, por njëri prej Modriç, Varan dhe Mbape.
EXCLUSIF #BallondOr : Après dépouillement de la moitié des votes, le trio de tête est le suivant: 1) Modric 2) @raphaelvarane 3) @KMbappe . Info @xbarretfoot @RFIRadioFoot @RFIsports
— Eric Mamruth (@MamruthRFI) November 9, 2018