Një tjetër largim me peshë ka ardhur nga Laçi. Renato Ziko nuk do të jetë më pjesë e kurbinasve. Ky futbollist ka mbajtur veshur fanellën e Laçit në dy sezonet e fundit duke mbajtur jo pak peshë në skuadër. Pak më parë ishte vetë lojtari që njoftoi mbylljen e bashkëpunimit.
“Dua të falënderoj klubin e Laçit, në veçanti presidentin Pashk Laska që më dha mundësinë të isha pjesë e këtij ekipi të madh dhe të konkurroja në nivele të larta. Respekt maksimal për njerëzit në Laç, ata që punojnë dhe jetojnë atje. Ju uroj më të mirat dhe fat të mbarë nga thellësia e zemrës”, shkruan Ziko. /Sport Ekspres/