Një dhuratë për 100 vjetorin e Tiranës? Teksa të gjithë po e presin nga ekipi A, pikësëpari po vjen nga grupmoshat bardheblu. Ekipi U-17 i Tiranës ka mundur 4-0 Partizanin në ndeshjen finale të Kategorisë Superiore.
Përballje kjo e dominuar kjo në të gjitha aspektet ku Meçuli gjeti golin e parë pas 15 minutave. Në minutën e 46 ishte Karaj që gjeti golin e dytë dhe vetëm katër minuta më vonë Birçe trefishoi shifrat.
Me Partizanin që ishte i dorëzuar në fushën e lojës kishte vend edhe për një gol tjetër nga Birçe që përmbylli shifrat 4-0. Një kurorëzim i Tiranës para syve të kundërshtarëve të tyre, duke treguar edhe njëherë tjetër ngritjen e madhe të bardhebluve që po vjen duke nisur nga akademia. /Sport Ekspres/