Katër ndeshje pa fitore. Një mini-krizë rezultatesh, pas të cilës Tirana e sheh veten në zonën e ftohtë në renditje. Skuadra kërkon kthesën prej ndeshjes së kësaj të marte ndaj Kukësit dhe që kjo të ndodhë, klubi ka vendosur çmime simbolike për tifozët.
Bardheblutë nxorrën në treg biletat për ndeshjen e javës së 12-të në Kategorinë Superiore, e cila do të luhet të martën, në orën 18:00, në stadiumin “Selman Stërmasi”. Shitja e biletave nisi prej kësaj të hëne dhe do të vazhdojë pranë biletarisë së stadiumit, deri një orë para ndeshjes.
Çmimet e biletave për ndeshjen Tirana-Kukësi:
* Tribuna A,B – 1000 Lekë të reja
* Tribuna D, E, F, G, C – 300 Lekë të reja
* Tribuna H (Sektori Mik) – 300 Lekë të reja
