Pas ndeshjeve të Kombëtares sonë është koha që futbolli në Shqipëri të rikthehet në normalitet. Stadiumi “Air Albania” do të shfrytëzohet nga klubi kryeqytetas, Tirana e cila do të pres në shtëpi Apoloninë. Kjo sfidë do të luhet ditën e dielë, por me të vetmin ndryshim që orari do të shtyhet nga ora 13:00 në orën 16:00.
Edhe pse tashmë ndodhen 7 pikë larg Vllaznisë së vendit të parë, Tirana nuk e ka humbur shpresën për titullin kampion. Gjithashtu skuadrat e tjera në krye nuk janë duke treguar vijmësi në rezultate, çka e bën më të bukur luftën për kreun e klasifikimit. Në letër duket një ndeshje e lehtë për kampionët në fuqi, por Apolonia ka treguar që është një ekip që bën surprizën. /Elio Hajdari-Sport Ekspres/