LIVE, Tirana – Partizani 0-0
Ka përfunduar në barazim 0-0 derbi i kryeqytetit. Tifozët kanë mbushur “Air Albanian”, ku kanë ndezur zjarrin e derbit. Atmosfera ka qenë e ngrohtë, duke mos munguar brohoritjet në triubuna, por nga ana tjetër nuk kanë munguar as tymëset dhe fishekzjarret nga tifozët, të cilat bënë edhe që ndeshja të ndërpritej në minutën e 31-të.
Derbi është shfaqur me dy tablo në fushë, teksa pjesa e parë ka folur e gjitha për Tiranën, ndërsa në të dytën ka qenë Partizani që ka marrë frenat e lojës në dorë. Rastet nuk kanë munguar për të dyja skuadrat, ndërsa njeriu që i hoqi fitoren nga duart ishte Stenio Xhunior. I gjendur pak metra larg portës së zbrazët, sulmuesi i Partizanit bën atë që më pak pritej, duke e nxjerrë tiopin jashtë. Kështu ekipet mjaftohen me një pikë mbrëmjen e sotme, duke kthyer tashmë vështrimin nga java e ardhshme./Halit Delibashi-Sport Ekspres/
Tirana: Bekaj, Toshevski, Najdovski, Totre, Limaj, Përgjoni, Hoxhallari, Devid, Toli, Xhixha, Seferi
Partizani: Hoxha, Marku, Belica, Bitri, Hadroj, Rrapaj, Matondo, Kallaku, Mala, Skuka, Xhunior