Tifozët mbushin me gjoba skuadrat e Superiores, logoja në fanellë po i kushton shumë Partizanit dhe Teutës

Komisioni i Disiplinës ka bërë të njohura vendimet për javën që lamë pas. Sjelljet e gabuara të tifozëve që u rikthyen përsëri në shkallët e stadiumeve shqiptare nuk kanë kaluar pa u ndëshkuar. Disiplina gjobit Laçin, Tiranën, Partizanin dhe Besën si dhe paralajmëron Dinamon për shkak të tifozëve të tyre.

Ndërkohë Partizani dhe Teuta vazhdojnë të mos binden për vendosjen e logos së “Abissnet Superiore”-s në mëngën e djathtë të fanellës së tyre. Një vendim ky që po u kushton shumë financiarisht këtyre dy klubeve./Halit Delibashi-Sport Ekspres/

Vendimet e Komisionit të Disiplinës:

  1. KF Laçi, për sjellje të gabuar të spektatorëve, në bazë të nenit 65/1 të KDS, dënohet me gjobë në masën 100.000 (njëqind mijë) lekë.
  2. KF Tirana, për sjellje të gabuar të spektatorëve dhedëmtimin e mjediseve sportive dhe pajisjeve sportive, në bazë të neneve 65/2, 65/3/a, dhe 65/3/f të KDS, dënohet me gjobë në masën 100.000 (njëqind mijë) lekë.
    KF Tirana, urdhërohet të dëmshpërblejë dëmet e shkaktuara në stadiumin e Laçit sipas akt konstatimit, brenda 15 ditëve.
  3. FK Partizani, për sjellje të gabuar të spektatorëve, hedhjen e sendeve në terrenin sportiv dhe për mosrespektim të përsëritur të Rregullores së Veprimtarisë Futbollistike, duke mos vendosur stemën e Abissnet Superiore, në mëngën e djathtë të fanellës së lojës, në bazë të neneve 14, 65/1, 65/3/a dhe 65/3/c të KDS dhe neneve 63.1 dhe 82.1 të Rregullores së Veprimtarisë Futbollistike, dënohet me gjobë në masën 150.000 (njëqind e pesëdhjetë mijë) lekë.
  4. FK Dinamo, në bazë të nenit 12 të KDS, paralajmërohet se në rast të përsëritjes së sjelljes së gabuar të spektatorëve, do të jetë subjekt i masave disiplinore që parashikon Kodi i Disiplinës Sportive dhe Rregulloret e FSHF.
  5. KF Teuta, për mosrespektim të përsëritur të Rregullores së Veprimtarisë Futbollistike, duke mos vendosur stemën e Abissnet Superiore, në mëngën e djathtë të fanellës së lojës, në bazë të neneve 63.1, 82.1 të Rregullores së Veprimtarisë Futbollistike dhe nenit 14 të KDS, dënohet me gjobë në masën 100.000 (njëqind mijë) lekë.
  6. FC Besa, për sjellje të gabuar të spektatorëve, hedhjen e sendeve në terrenin sportiv, në bazë të neneve 65/1, 65/3/a dhe 65/3/c të KDS, dënohet me gjobë në masën 100.000 (njëqind mijë) lekë. Në zbatim të nenit 116/1/a të KDS, gjoba të aplikohet në masën 50%.
  7. Lojtari i FK Tërbuni, Migen Metani, për protestë ndaj vendimeve të zyrtarit të ndeshjes, me gjeste dhe fjalëofenduese, në bazë të nenit 55/2 të KDS, dënohet me 2 (dy) ndeshje pezullim nga aktiviteti.
  8. Zyrtari i KF Pogradeci, Ylli Çekiçi, për protestë ndaj vendimeve të zyrtarit të ndeshjes, me gjeste dhe fjalëofenduese, në bazë të nenit 55/1 të KDS, dënohet me 2 (dy) ndeshje pezullim nga aktiviteti.
  9. Lojtari i Maliqi, Redinel Demollari, për provokim të publikut, në bazë të nenit 52 të KDS, dënohet me 2 (dy) ndeshje pezullim nga aktiviteti.
  10. Lojtari i KF Bylis, Samuel Xhemali, për sulm ndaj kundërshtarit, në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.
  11. Lojtari i KF Burreli U-19, Mario Canameti, për sjellje josportive ndaj kundërshtarit, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
  12. Lojtari i Labëria Fc U-19, Gani Osmeni, për sulm ndaj zyrtarit të ndeshjes, në bazë të nenit 48/1/b të KDS, dënohet me 12 (dymbëdhjetë) muaj pezullim nga aktiviteti.
  13. Pranimin e kërkesës së KF Shkodra U-19, duke pezulluar zbatimin e pjesës së mbetur të dënimit. Në bazë të nenit 32/4/5 të KDS, KF Shkodra U-19 vendoset në provë për një afat 6 (gjashtë) mujor dhe në rast të përsëritjes të shkeljes disiplinore gjatë periudhës së provës, dënimi i pezulluar i shtohet dënimit të ri.
  14. Pranimin e kërkesës së FC Besa U-19, duke pezulluar zbatimin e pjesës së mbetur të dënimit. Në bazë të nenit 32/4/5 të KDS, FC Besa U-19 vendoset në provë për një afat 6 (gjashtë) mujor dhe në rast të përsëritjes të shkeljes disiplinore gjatë periudhës së provës, dënimi i pezulluar i shtohet dënimit të ri.
  15. Pranimin e kërkesës së lojtarit të Shënkolli U-19, Sildi Lekgegaj, duke pezulluar zbatimin e pjesës së mbetur të dënimit. Në bazë të nenit 32/4/5 të KDS, lojtari vendoset në provë për një afat 6 (gjashtë) mujor dhe në rast të përsëritjes të shkeljes disiplinore gjatë periudhës së provës, dënimi i pezulluar i shtohet dënimit të ri.
  16. Pranimin e kërkesës së lojtarit të A.F. Bajrami U-19, Olci Murati, duke pezulluar zbatimin e pjesës së mbetur të dënimit. Në bazë të nenit 32/4/5 të KDS, lojtari vendoset në provë për një afat 6 (gjashtë) mujor dhe në rast të përsëritjes të shkeljes disiplinore gjatë periudhës së provës, dënimi i pezulluar i shtohet dënimit të ri.

Leave a Reply

Your email address will not be published. Required fields are marked *

where can i buy doxycycline over the counter buy doxycycline online