Craiova ka zhvilluar përballjen e parë në kampionat duke fituar në shifrat 1-0 kundër Arges. Trajneri i Craiova, Ouzounidis, ka mbetur i pakënaqur nga ekipi për mënyrën e lojës. Në intervistën e dhënë pas ndeshjes, tekniku grek tregon se lojtarët komandohen lehtësisht nga thirrjet e tifozëve.
“Përpiqeshim që të sulmonim me një ose dy pasime. Duhet të ndryshojmë për të vazhduar më tej, kjo nuk është loja që duam, por kemi cilësi. Ndoshta kishte shumë presion mbi lojtarët, tifozët duan të sulmojmë gjatë gjithë kohës. Kemi disa probleme me disa lojtarë, nuk kanë ritëm dhe u duhet më shumë kohë. Ndërkohë ne na duhen një ose dy lojtarë më shumë që të kemi ekip të mirë, por kjo nuk varet nga mua”, tha Ouzundis. /Sport Ekspres/