“Teuta, Partizani për titull? Është edhe Laçi”, Martini heq Vllazninë nga gara: I jap dorën Brdariçit, por…

Janë mbyllur edhe dy ndeshjet e orës 19:00 të vlefshme për javën e 32-të të Kategorisë Superiore. Teuta ka fituar lehtësisht ndaj Bylisit në “Niko Dovana“ dhe rrëmbejnë përsëri kreun e renditjes. Skuadra e Martinit gjeti 4 herë rrugën e rrjetës, si rrallë herë në këtë sezon. Ndërsa në krahun tjetër Skënderbeu vazhdon të surprizojë nën drejtimin e Migen Memellit. Bardhekuqtë kanë ndalur në barazim 1-1 Partizanin dhe shkojnë vetëm një pikë larg Kastriotit për të siguruar mbijetesën sezonin e ardhshëm. Në përfundim të takimeve protagonistët kanë dhënë intervistat e tyre për “Gol pas goli” në “Supersport”.

Martini (Teuta): “Çdo ndeshje nuk i përgjigjet ndeshjes tjetër. Sot e filluar lojën mirë deri në mesin e pjesës së parë. Pjesa e dytë s’ka koment, mund të kishim shënuar edhe gola të tjerë. Ajo që më gëzon sot janë golat e shënuar, ritmi që ka ekipi dhe besimi që ka në vetvete. Është shumë e rëndësishme java që vjen, duke pasur parasysh që ne kemi një ndeshje shumë të vështirë kundër Kastriotit dhe Partizani ka një ndeshje shumë të vështirë me Tiranën. Normalisht janë 4 ekipe që janë në garë për edicionin e tyre. Partizani dhe ne për të dalë kampion, Tirana luan për Europë dhe Kruja për të shpëtuar nga Kategoria.

Vetëm Partizani dhe Teuta për titull? Jo, duhet të fus edhe Laçin. Vllaznia ka bërë një edicion shumë të mirë. Duhet ti bëj komplimente Brdariçit. Duhet t’i jap dorën atij personi pasi ka bërë një punë shumë të mirë te Vllaznia, por lënia e pikëve dje ndaj Kukësit e ka zbehur, duke pasur parasysh që ka një ndeshje të vështirë me Bylisin“.

Daja (Partizani): “Shkaktuam një faull të panevojshëm fare. Mbaron loja dhe del barazim falë një goditje standarte të panevojshme. Normale të vjen keq. Ky është futbolli, edhe në një ditë kur ke shumë raste, kur luan për 90 minuta në gjysmëfushën e kundërshtarit mund të goditesh nga një moment i tillë. Të marësh një gol në atë mënyrë dhe të kesh një kundërshtar që luan pas me të gjitha forcat është pak e vështirë për të shkuar te goli. Në fund fare, nëse i bëjmë një analizë, është një dypikësh i humbur për fajin tonë sesa për meritë të kundërshtarit. Nuk kishte asnjë lloj ruajtje për derbin. Mendoj se asnjë lojtar nuk e kishte mendjen te derbi, sepse siç derbi ka tre pikë ashtu edhe kjo ndeshje kishte 3 pikë. Ajo që gabuam është se acarohëshim me vonesat e shumta të kundërshtarit në një kohë që duhet të ruanim qetësinë.“.

Memelli (Skënderbeu): “Komplimenta të jashtëzakonshme lojtarëve, sepse kanë arritur të bëjnë një ndeshje të madhe sot për nga performanca. Është një pikë që vlen sidomos kur vjen kundër ekipit që lufton për titull. E kur i merr pikë një ekipi si Partizani, tani mbijetesa është më afër se kurrë. Nuk kam pikë frike në këtë moment. Ajo që më solli te Skënderbeu ishin lojtarët, cilësitë e tyre. E vetma gjë që kemi arritur bashkarisht është që kemi bërë që skuadra të funksionojë si një trup i vetëm. Një pikë kundër Partizanit vlen. I kemi bërë nder vetes, i kemi bërë nder edhe kampionatit, sepse shkëputja mund të sjelli ndonjë budallallik me ndeshjet. Dy janë skuadrat te të cilat unë kam pasur vështirësi si trajner dhe që kanë potencë të një skuadre që mund të fitojnë titullin, Tirana dhe Partizani“.

Dovedan (Bylisi): “Është normale që kam frikë për rënien nga kategoria. Disa që po luajnë atje nuk e kuptojnë këtë gjë. Këta kemi. Nuk mund të shënojnë, nuk kemi çfarë të bëjmë. Ndeshjen e kemi humbur që në minutën e 45. Nuk shënuam dot atje dhe golin e dytë e pësuam si cirk.”./Halit Delibashi-Sport Ekspres/

Leave a Reply

Your email address will not be published. Required fields are marked *

where can i buy doxycycline over the counter buy doxycycline online