Teuta është në Itali për fazën përgatitore dhe pas miqësores sëparë kundër Çezenës, ka edhe disa të tjera në program, derisa trajneri Gugash Magani të vendosë përfundimisht për lojtarët që do të mbajë dhe nëse do të kërkojë të tjerë në merkato.
Ndërkaq, në Durrës puna nuk ndalet, sepse stadiumi po ndryshon fytyrë dita-ditës. Sot Teuta ka postuar në faqen e vet në Facebook disa foto ku pasqyrohet ecuria e punimeve, si në ambientet e brendshme, ashtu edhe në fushën e re dhe tribuna, me atë ballore që është rikonstruktuar dhe së shpejti do të kompletohet me stola plastikë.
