Vllaznisë i ka ikur fitorja nga duart në transfertën e Teutës vetëm në sekondat e fundit. Pas shpërdorimeve nga të dy ekipet, goli i parë do të shënohej nga Latifi në të 60. Një penallti e akorduar me VAR në favor të shkodranëve dhe Latifi që gjen rrjetën. E kur pritej fundi i takimit, në të 99 ishte Ivanovic që shënoi për Teutën duke mos gabuar para portës.
Nga ana tjetër në barazim pa gola ka mbaruar ndeshja mes Skënderbeut dhe Partizanit. Një përballje pa shumë raste dhe e luajtur më shumë në mënyrë të kujdesshme nga ekipet. Korçarët tentuan fitoren në minutat e fundit dhe Mara iu afrua jo pak në minutën e 80. Duke imituar Lionel Mesin, Mara kaloi 5 lojtarë të Partizanit në driblim dhe në fund i dha topit më shumë forcë, për t’i lënë mundësinë Hoxhës që të ndërhynte. /Sport Ekspres/
Teuta: Qirko, Jazxhi, Ivanovic, Kotobelli, Todorovski, Aleksi, Beqja, L. Vila, E. Vila, Hyka, Hebaj
Vllaznia: Zogovic, Gurishta, Adili, Krymi, Latifi, Jonuzi, Djurdjevic, Kruja, Hakaj, Hoxhaj, Aralica
Partizani: Hoxha, Marku, Bitri, Belica, Hadroj, Mala, Rrapaj, Matondo, Cara, Skuka, Stenio Jr
Skënderbeu: Rexhepi, Frashëri, Shehi, Sadriu, Zguro, Dëumfour, Moraes, Jean Victor, Mara, Pusi, Berisha