Pas 16 muajsh në drejtim, Ronald Kuman është pushuar nga puna tek Evertoni, vendim që ishte në ajër prej kohësh dhe erdhi pas humbjes 5-2 ndaj Arsenalit të dielën. Ajo disfatë e zbriti Evertonin në zonën e rënies nga Premier Liga dhe 8 pikë në 9 ndeshje kampionati flasin qartë për krizën e thellë të një skuadre që në letër duhet të luftojë sërish për një vend në Europa League.
— Everton (@Everton) October 23, 2017
Në verë u largua Lukaku, ylli i madh i skuadrës, por erdhi Uejn Runi dhe klubi afroi edhe lojtarë të tjerë, ndaj pritej shumë më tepër nga Kuman, i cili nuk arriti në asnjë moment t’i jepte fytyrën që donte skuadrës, dukshëm e demoralizuar nga starti i keq.
Me një deklaratë për mediat lëshuar sot, trajneri holandez ka falënderuar lojtarët dhe stafin, por edhe tifozët: “Falënderoj të gjithë për bashkëpunimin dhe mbështetjen. Natyrisht kam i zhgënjyer në këtë moment, por i uroj skuadrës gjithë të mirat në të ardhmen”.
Për momentin drejtimin e skuadrës e merr trajneri i skuadrës U-23 Dejvid Ansuërth.
Everton can confirm David Unsworth will take temporary charge of the Everton first team, commencing with tomorrow night’s @Carabao_Cup tie. pic.twitter.com/vyiEXZDZvI
— Everton (@Everton) October 24, 2017
Ndryshimi i trajnerit koincidon me ditëlindjen e Uejn Runit, i cili mbush sot 32 vjeç.
? | Happy birthday, @WayneRooney! #EFC pic.twitter.com/aG46TPnrvB
— Everton (@Everton) October 24, 2017