Arbitrimi është një çështje që shqetëson gjithmonë në futbollin tonë dhe të shumtë janë rastet që më shumë flitet për arbitrat se sa për ndeshjen. Ditën e nesërme do të luhet finalja e Kategorisë së Dytë, ku do të përplasen fitueset e dy grupeve.
Devolli do të ketë përballë Tërbunin dhe pikërisht këta të fundit kanë dërguar një shkresë në FSHF, ku kërkojnë arbitra nga Superliga dhe për më tepër, arbitrimi të jetë sa më korrekt, duke parë rëndësinë e ndeshjes. Kështu shkruhej në shkresën e nisur nga klubi pukjan drejt organit qeverisës të futbollit tonë.
