“Te Milani mbeti vetëm Maldini, ishte normale të vija këtu”, Pirlo flet si trajner i Juventus U-23: Refuzova oferta nga Premier League

0

Andrea Pirlo është prezantuar ditën e sotme si trajneri i Juventus U-23, ku do të stërvisë talentin shqiptar, Xhakomo Vrionin. Bardhezinjtë po mendojnë ta përgatisin “il maestron” për të marrë ekipin e parë dhe kjo ishte mënyra e duhur për ta nisur.

Juventusi kërkon t’i mbajë ish-lojtarët brenda familjes edhe pas varjes së këpucëve në gozhdë dhe kjo është diçka që vlerësohet edhe nga Pirlo. Ish-mesfushori sjell shembull të kundërt Milanin, ku ka kaluar 10 vite, ndërsa tashmë vetëm Maldini është pjesë e stafit nga ish-ët. Më tej Pirlo zbulon se ka refuzuar oferta nga Premier League e Serie A për të drejtuar Juventusin U-23.

“Unë arrita këtu pas 10 vjetësh në Milano dhe gjeta një familje të re. Edhe kur isha larg nga Torino gjithmonë i mbaja marrëdhëniet, miqësia dhe respekti mbeti. Në Milano, nga ana tjetër, pothuajse asnjë nga menaxherët e vjetër nuk është më atje, vetëm Maldini mbeti: ishte normale që rruga ishte të vija dhe të jetojë këtu për të filluar karrierën time stërvitore.

Nuk e kam parë kurrë veten si menaxher, më pëlqen ta jetoj lojën, kam ëndrra për të arritur në fushë. Unë do t’u tregoj djemve gjërat që më pëlqyen nga trajnerët e mi të mëparshëm. Do të më duhet t’u shpjegoj atyre se çfarë do të thotë të luani në Juventus dhe të bëni sakrifica për të marrë skuadrën e parë. Të gjithë do të duan të fitojnë kundër nesh. Do të duhet të kemi arsyet e duhura.

Unë preferoj të kem shumë përgjegjësi, ato më bëjnë të ndjehem i gjallë. Të gjithë do të donin të merrnin rrugën e Guardiola dhe Zidane. Kam pasur edhe propozime të tjera, madje edhe në Premier League dhe Serie A, por kjo më dukej mënyra e duhur”, ka deklaruar Andrea Pirlo./Halit Delibashi-Sport Ekspres/

 

You might also like

Leave A Reply

Your email address will not be published.