Ilir Shulku ka folur për cilësinë e futbollit në kampionatin shqiptar në emisionin “Ora Sport” në “Ora TV”. Në intervistën e dhënë, zyrtari i FSHF-së është shprehur me bindje se në ndeshje të veçanta nuk ka parë asnjë ndryshim me kampionatet elitare të Europës.
“Këtë ta them pa doreza. Duke parë me sy specialist, ka pasur disa ndeshje, ku me pult në dorë, shikoja Kategorinë ‘Abissnet Superiore’ dhe e çoja televizorin në një kanal tjetër, në një kampionat tjetër elitar, dhe nuk ka pasur disnivel loje nga ana e publikut, nga ana e cilësisë së infrastrukturës dhe nga ana e lojës”, është shprehur Ilir Shulku./Halit Delibashi-Sport Ekspres/