Liridon Latifi ka folur në një intervistë për “Sport News” sa i përket sezonit të tanishëm me Vllazninë, por edhe për aventurën e shkuar në kampionatin shqiptar me Skënderbeun. Suksesi me korçarët nuk mund të përsëritet lehtë. Sigurisht, nuk mund të jetë ndryshe kur ekipi në fjalë ka mbërritur në grupet e Europa League.
“Ata që deshën me më marr, më morën. Vllaznia ka qenë skuadra më e interesuar, kjo është arsyeja pse erdha në Shkodër dhe jam shumë i kënaqur që erdha. Për Skënderbeun që ka qenë është e vështirë të bëhet skuadër e tillë, kishte shumë kualitet, koka ishte presidenti që bëri gjithçka në mënyrë perfekte, do të jetë shumë e vështirë për tu bërë dhe një herë, por nuk është e vështirë mund të bëhet me anë financiare. Kualiteti ka qenë shumë i mirë dhe vështirë se mund të bëhet prapë”, u shpreh Latifi. /Sport Ekspres/