Sa herë që luan Armando Broja, për ne është si të luajë Kombëtarja. Tifozë të shumtë shqiptarë ulen pranë televizorit dhe ndjekin ndeshjet e Chelsea-t, për të parë mënyrën sesi performon sulmuesi shqiptar.
Në ndeshjen e shkuar, Broja arriti që të shënonte kundër Preston në fitoren 4-0. Ndërkohë në mbrëmjen e sotme, Chelsea luan kundër Middlesbrough në orën 21:00, në EFL Cup. Një tjetër takim ku sulmuesi i Shqipërisë pritet të jetë titullar teksa Jackson është i grumbulluar me Senegalin dhe Nkuku është dëmtuar. /Sport Ekspres/