Pas bojkotit të gjatë nga ana e Superiores dhe 4 kërkesave të drejtuara për Qeverinë, futbolli është rikthyer që në fundjavë me ndeshjet e Kupës së Shqipërisë. Por nuk mbyllet këtu pasi në mesditën e sotme do të luhet edhe java e parë e kampionatit shqiptar për këtë sezon të ri.
Në ora 13:45 nisin përballjet KF Tirana – FK Kukësi, KF Bylis – KF Laçi dhe KS Kastrioti – KF Partizani. Pak më vonë në ora 16:45 do të nisin edhe dy duelet e tjera të javës KF Teuta – KF Skënderbeu dhe KF Vllaznia – FK Apolonia. KF Tirana vjen këtë sezon me statusin e kampiones në fuqi, ndërsa FK Apolonia dhe KS Kastrioti janë dy skuadrat që vijnë nga Kategoria e Parë.