Sokol Cikalleshi përfundoi me sukses aventurën e tij në Arabinë Saudite. Përshtatja me Al Khaleej-in nuk ishte e lehtë në fillim të kampionatit, por me kalimin e javëve u kthye në një faktor të rëndësishëm për skuadrën. Huazimi i tij në Arabi përfundoi dhe kavajasi është kthyer në Turqi me 10 gola të shënuar dhe 3 asiste të dhënë.
Mediat turke raportojnë se Cikalleshi i është bashkuar sërish klubit që zotëron kartonin e tij, Konyaspor-it, ku duket se do të qendrojë në sezonin e ardhshëm. Mësohet se klubi i Superligës së Turqisë e projekton sulmuesin shqiptar në planet për sezonin e ri dhe nuk do të zgjedhë sërish rrugën e huazimit./Halit Delibashi-Sport Ekspres/