Skënderbeu gati për Superioren, Përmeti: Prisni spektakël

0

Skënderbeu është skuadra kampione në fuqi dhe i takon korçarëve që të luajnë ndeshjen e parë të edicionit të ri. Shorti rezervoi një përballje të madhe, pasi skuadra juglindore do të ndeshet me Partizanin, që ka qenë një nga rivalët direkt për titull në edicionet e fundit.

Shefi i Klubit Ilirian Përmeti ka deklaruar për “RTSH Sport” se klubi është gati për të pritur ndeshjen e parë të këtij edicioni. Po ashtu drejtuesi i skuadrës korçare thekson se pritshmëritë për këtë sfidë janë që të shohim spektakël si në fushën e blertë ashtu dhe në shkallët e stadiumit.

“Interesimi është i jashtëzakonshëm. Kur është hedhur shorti jemi ndjerë mirë, pasi ka pritshmëri të mëdha për këtë ndeshje. Them se do të ketë një start shumë të fuqishëm ky kampionat, shumë të bukur, pasi ka interesim nga të gjithë. Partizani Skënderbeu janë rivalë në gjithë këto vite dhe uroj që të kthehet në një ndeshje spektakolare si brenda fushës ashtu dhe jashtë saj, pra në shkallët e stadiumit”.

You might also like
Leave A Reply

Your email address will not be published.