Një skandal ka përfshirë Kombëtaren polake të futbollit. Bëhet fjalë për ekipin U15 të saj, që së fundmi mori pjesë në një turne të organizuar në Hungari. Gazetari i “TVP Sport“-it, Mateus Miga, ka rrëfyer se pasi mbërritën në qendrën stërvitore, futbollistët e vegjël morën disa kuti nga trajneri.
Brenda tyre pritej të gjendeshin materialet sportive, por lojtarët e skuadrës U15 gjetën arka me birra të fshehura poshtë fanellave. Kjo ka lënë të befasuar futbollistët e vegjël, si dhe ka ngritur shqetësim te prindërit e tyre. Mendohet se alkoli i përkiste anëtareve të stafit të Kombëtares së Polonisë U15./Halit Delibashi-Sport Ekspres/