Nisur nga situata e krijuar në Shkodër, Sindikata e Futbollistëve Profesionistë të Shqipërisë ka vendosur të thotë fjalën e vetë e t’u dalë në mbrojtje futbollistëve. Sindikata kërkon nga klubi të respektojë kontratat që po vetë ua ka ofruar lojtarëve dhe të paguajë muajt e prapambetur. Gjithashtu duhet të përmbushen gjithë detyrimet për lojtarët e huaj, të cilët kanë ardhur në Shkodër për të mbajtur fanellën kuqeblu, të tipit pagesa e qirave apo ushqimeve, për të cilat është rënë dakort në kontratë.
Sindikata i kërkon klubit që të caktojnë edhe momentin se kur do të nisë të shlyejnë ato detyrime që kontrata i përmban për futbollistët. Sjellja e Vllaznisë ka bërë që të shkelen marrëveshjet ligjore me futbollistët, ndërsa çështja vijon ende të mbetet pezull. Ditën e sotme ka reaguar edhe Kryetarja e Bashkisë Shkodër, Voltana Ademi, e cila pretendon se ngërçi vjen nga Këshilli Bashkiak, të cilit i kërkon të japë miratimin e buxhetit dhe t’i japin fund njëherë e mirë kasaj situate te kuqeblutë./Halit Delibashi-Sport Ekspres/
