Trajneri i Atletiko Madridit, Diego Simeone, nuk do të jetë në finalen e Europa League. Në fakt, do të jetë Atletiko, por trajneri argjentinas do të ulet në tribunë, ashtu si bëri dje ndaj Arsenalit.
Gjithçka lidhet me ndeshjen e vajtjes mes Arsenalit e Atletikos, ku Simeone protestoi ashpër pas kartonit të kuq për Vërsaljkon dhe për pasojë doli me karton të kuq.
Tani vjen edhe vendimi i Disiplinës së UEFA-s, që e dënon Simeonen me 4 ndeshje dhe 10 mijë euro gjobë, për ofendime të vazhdueshme kundrejt arbitrit.
Kjo do të thotë që Cholo-s i mbeten edhe 3 ndeshje pezullim, sepse mungoi dje dhe u pa qartë sa po vuante në tribunë, duke mos u ulur asnjë moment.