Rei Manaj është vlerësuar me notën më të lartë te Spezia në humbjen me shifrat 2-1. Sulmuesi shqiptar arriti të fitonte shumë duele tërësisht i vetëm, më veçanërisht ndaj Bremer, që në këtë sezon është një prej mbrojtësave më të mirë të Serisë A. “Acspezianeës.it” e ka vlerësuar sulmuesin shqiptar me notën më të lartë, 6.5, ndërsa mesatarja e skuadrës ishte 5.5. “Izolimi të bën të madh”, ka thënë Viktor Hugo.
Ne e kuptojmë dhe jemi dakord me këtë thënie. Nuk mjaftoi fakti që kishte pas vetes Bremerin, topat që i japin shokët e ekipit numërohen me gishtat e njërës dorë. Mendonte dhe punonte i vetëm te Spezia, megjithatë, sulmuesi shqiptar arriti të fitonte një penallti dhe ta kthejë në gol”, shkruhet nga media e përkushtuar për Spezian. /Sport Ekspres/