Cyrihu është përballur sot me Arsenalin në Ligën e Europës. Skuadra zvicerane ka humbur me rezultatin 1-2 nga “topçinjtë“, që kanë marrë kështu fitoren e parë në grup. Goli i vetëm i Cyrihut mban autorësinë e një shqiptari, Mirlind Kryeziut. Por ky nuk ishte i vetmi shqiptar në fushën e lojës.
Cyrihu ngjasonte si një ekip i Superiores, teksa gjysma e formacionit të tij përbëhej nga shqiptarë. 5 nga 11 futbollistët titullarë ishin shqiptarë, më konkretisht Lindrit Kamberi, Mirlind Kryeziu, Fidan Aliti, Blerim Xhemaili dhe Bledian Krasniqi./Halit Delibashi-Sport Ekspres/