“Si do e arrijë objektivin? Sadiku çedoi komplet”, Starova analizon kuqezinjtë: Kur një lojtar del te Chelsea, Reja i detyruar ta provojë

0

Vëmendja është ktheyr edhe një herë tjetër te Kombëtarja shqiptare, që do të zbresë në fushë për të luajtur dy ndeshjet e radhës të vlefshme për Ligën e Kombëve. Kuqezinjtë synojnë vendin e parë, pavarësisht se në dy testimet e para nuk kanë bindur. I ftuar në studion e “Pressing”, Sulejman Starova ka analizuar Kombëtaren dhe ka theksuar se të gjithë lojtarët duhet të luajnë fort për të ruajtur vendin në skaudër.

“Dy mesfushorë i ke titullarë, Bare dhe ai tjetri, po luajnë rregullisht. A ka objektiv Reja? Vendin e parë? Po si do e arrijë ai këtë objektiv? Duke rinovuar skuadrën? Sadiku çedoi komplet, të mbajë përgjegjësinë. Të shohim çfarë do të bëjë. Në kushtet kur ka gjithë këtë ekip, ku po përpiqet në maksimum dhe dora e tij po duket.

Sipas meje, ka rregulluar repartin e mbrojtjes dhe ka gjetur dy titullarë në mesin e fushës, Baren dhe Gjasulën. Në kushtet kur një lojtar del te Chelsea (Broja), ai është i detyruar ta provojë. Kushdo që futet në formacion, duhet të luajë fort që të ruajë vendin. Reja ka një objektiv përpara dhe kush vesh fanellën kuqezi, të luajë fort dhe të ruajë vendin”, ka thënë Starova./Halit Delibashi-Sport Ekspres/

You might also like
Leave A Reply

Your email address will not be published.