Karim Benzema ka shënuar ditën e djeshme golin e 250 në karrierën e tij me fanellën e Realit të Madridit. Sulmuesi francez ka dhënë një kontribut të madh përgjatë viteve për “los blancos”, megjithëse në fund ka përfunduar gjithnjë në qendër të kritikave. Tifozët shpesh vënë në dyshim vlerat e tij si një sulmues, teksa nuk binden nga statistikat e Benzemasë.
Ky i fundit ka dhënë një përgjigje për të gjithë kritkët nëpërmjet një prononcimi në kanalet zyrtare të Realit të Madridit. Karim Benzema shprehet se kjo është një temë për të cilën do të flasin gjithnjë, ndërsa nënvizon faktin se ka tifozë që shohin vetëm golat dhe ka të tjerë që shikojnë një futboll ndryshe, më të plotë, dhe që vlerëson edhe lojën pa top apo pasimet.
“Ka njerëz që shohin vetëm golat dhe të tjerë që shohin futboll ndryshe. Si pasohet topi, lëvizjet… Ka edhe shumë më tepër, por gjithmonë do të flasim për këtë. Jam një sulmues i cili mund të shënojë gola gjithashtu. Dhe kështu do të vazhdoj“, është shprehur Karim Benzema./Halit Delibashi-Sport Ekspres/