Rasti i Eriksenit në ndeshjen hapëse të Kampionatit Europian në verë shkaktoi një panik të madh për të gjitëh lojtarët dhe tifozët. Por që prej atëherë nuk ka qenë i vetmi që ka pësuar një sulm në zemër. Rastet e tilla po shtohen ndjeshëm kohëve të fundit, ndërsa më i freskëti është mbrëmjen e sotme.
Takimi mes Watford-it dhe Chelsea-t është ndërprerë në minutën e 13, teksa Marcos Alonson njofton stafin mjekësor për një problem shëndetësor të njërit prej tifozëve që gjendej në tribunë. Mjekët e skuadrave kanë dhënë menjëherë ndihmën e tyre për të shpëtuar tifozin në fjalë. Më pas sfida ka rifilluar. Kujtojmë se vetëm një javë më parë një tjetër ngjarje e ngjashme ka ndodhur në Premier League./Halit Delibashi-Sport Ekspres/