Disiplina/ Partizani dhe Teuta nuk vënë mend dhe Skënderbeu e pëson nga tifozët, Kastrioti paguan dëmin e “Elbasan Arenas“

FSHF ka njohur opinionin publik me vendimet e marra nga Komisioni i Disiplinës për javën që lamë pas. Partizani dhe Teuta nuk vënë mend nga dënimet e kaluara dhe tashmë kthehen të përhershëm në listën e vendimeve të Disiplinës. Refuzimi për të vendosur stemën e “Abissnet Superiore”-s në mëngën e djathtë u kushton të dyja skuadrave nga 100 mijë lekë.

Me gjobë e pëson edhe Skënderbeu si pasojë e sjelljes së gabuar të tifozëve dhe tashmë i duhet të paguajë 50 mijë lekë. Ndërkohë në listën e dënimeve e gjen veten edhe Kastrioti. Skuadra e Ramadan Ndreut duket se nuk e ka pritur mirë humbjen minimale me Dinamon dhe lojtarët i kanë shfryrë nervat e tyre në dhomën e zhveshjes. Për këtë arsye Disiplina i vendos ultimatum ekipit krutan për të dëshpërblyer të gjitha dëmet e shkaktuara në dhomat e zhveshjes së stadiumit brenda 15 ditëve./Halit Delibashi-Sport Ekspres/

Komisioni i Disiplinës vendosi:

  1. KF Skënderbeu, për sjellje të gabuar të spektatorëve, në bazë të neneve 65/1 dhe 65/3/a të KDS, dënohet me gjobë në masën 50.000 (pesëdhjetë mijë) lekë.
    2. KS Kastrioti, për sjellje të gabuar të lojtarëve pas përfundimit të ndeshjes, në bazë të neneve 64/1, 64/4 dhe 64/5 të KDS, urdhërohet të dëmshpërblejë dëmet e shkaktuara në dhomat e zhveshjes në Stadiumin “Elbasan Arena” sipas akt konstatimit, brenda 15 ditëve.
    3. FK Partizani, për mosrespektim të përsëritur të Rregullores së Veprimtarisë Futbollistike, duke mos vendosur stemën e Abissnet Superiore, në mëngën e djathtë të fanellës së lojës, në bazë të neneve 63.1, 82.1 të Rregullores së Veprimtarisë Futbollistike dhe nenit 14 të KDS, dënohet me gjobë në masën 100.000 (njëqind mijë) lekë.
    4. KF Teuta, për mosrespektim të përsëritur të Rregullores së Veprimtarisë Futbollistike, duke mos vendosur stemën e Abissnet Superiore, në mëngën e djathtë të fanellës së lojës, në bazë të neneve 63.1, 82.1 të Rregullores së Veprimtarisë Futbollistike dhe nenit 14 të KDS, dënohet me gjobë në masën 100.000 (njëqind mijë) lekë.
    5. Zyrtari i KF Turbina, Alfred Allamani, për protestë ndaj vendimeve të zyrtarit të ndeshjes, me gjeste dhe fjalë ofenduese, në bazë të nenit 55/2 të KDS, dënohet me 2 (dy) ndeshje pezullim nga aktiviteti.
    6. Lojtari i KF Gramshi, Kabiru Nifemi Dumoye, për sulm ndaj kundërshtarit, në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.
    7. Lojtari i FK Këlcyra, Alvaro Merko, për sulm ndaj kundërshtarit dhe sjellje josportive ndaj zyrtarëve të ndeshjes, në bazë të neneve 47/1/e dhe 48/1/a të KDS, dënohet me 6 (gjashtë) ndeshje pezullim nga aktiviteti.
    8. Lojtari i Shkëndija Dr. U-17, Jurgen Jakupi, për sjellje josportive ndaj kundërshtarit, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
    9. Lojtari i FC Kinostudio U-17, Flavio Beshiraj, për sjellje josportive ndaj kundërshtarit, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
    10. Lojtari i KS Korabi U-19, Mateo Merxhushi, për sjellje josportive ndaj zyrtarit të ndeshjes, në bazë të nenit 48/1/a të KDS, dënohet me 4 (katër) ndeshje pezullim nga aktiviteti.
    11. Lojtari i A.F. Bajrami U-19, Olci Murati, për sjellje josportive ndaj zyrtarit të ndeshjes, në bazë të nenit 48/1/a të KDS, dënohet me 4 (katër) ndeshje pezullim nga aktiviteti.
    12. Zyrtari i A.F. Bajrami U-19, Arvi Bajrami, për sjellje josportive ndaj zyrtarit të ndeshjes, në bazë të nenit 48/2/a të KDS, dënohet me 8 (tetë) ndeshje pezullim nga aktiviteti.
    13. Lojtari i KF Vllaznia U-15, Erigestino Pepnikaj, për sulm ndaj kundërshtarit, në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.
    14. Pranimin e kërkesës së lojtarit të FC Internacional Tirana U-13, Arnis Neza, duke pezulluar zbatimin e pjesës së mbetur të dënimit. Në bazë të nenit 32/4/5 të KDS, lojtari vendoset në provë për një afat 6 (gjashtë) mujor dhe në rast të përsëritjes të shkeljes disiplinore gjatë periudhës së provës, dënimi i pezulluar i shtohet dënimit të ri.
    15. Pranimin e kërkesës së lojtarit të FC Internacional Tirana U-13, Etien Gjergji, duke pezulluar zbatimin e pjesës së mbetur të dënimit. Në bazë të nenit 32/4/5 të KDS, lojtari vendoset në provë për një afat 6 (gjashtë) mujor dhe në rast të përsëritjes të shkeljes disiplinore gjatë periudhës së provës, dënimi i pezulluar i shtohet dënimit të ri.
    16. Pranimin e kërkesës së zyrtarit të KF Egnatia, Eduart Thartori, duke pezulluar zbatimin e pjesës së mbetur të dënimit. Në bazë të nenit 32/4/5 të KDS, zyrtari vendoset në provë për një afat 6 (gjashtë) mujor dhe në rast të përsëritjes të shkeljes disiplinore gjatë periudhës së provës, dënimi i pezulluar i shtohet dënimit të ri.
    17. Pranimin e kërkesës së zyrtarit të Luzi 2008, Edmond Dalipaj, duke pezulluar zbatimin e pjesës së mbetur të dënimit. Në bazë të nenit 32/4/5 të KDS, zyrtari vendoset në provë për një afat 6 (gjashtë) mujor dhe në rast të përsëritjes të shkeljes disiplinore gjatë periudhës së provës, dënimi i pezulluar i shtohet dënimit të ri.
    18. Rrëzimin e kërkesës së lojtarit të Shënkolli, Bledi Zefi, si të pabazuar në Kodin e Disiplinës Sportive.

Leave a Reply

Your email address will not be published. Required fields are marked *

where can i buy doxycycline over the counter buy doxycycline online